Астана, 2022 жылғы 12 қазан – Орталық Азия бойынша ХКҚҰ Субөңірлік кеңсесінің бастамасымен Оңтүстік-Шығыс Еуропа, Шығыс Еуропа және Орталық Азия бойынша ХКҚҰ Өңірлік директоры Манфред Профазидің Қазақстандағы Адам құқықтары жөніндегі уәкіл Эльвира Әзімовамен кездесуі өтті.

2010 жылдан бастап тығыз ынтымақтастыққа баса назар аудара отырып, тараптар мигранттар мен адам саудасының құрбандарының құқықтарын қорғау сияқты маңызды бағыттарды атап өтті.

Атап айтқанда, адам саудасына қарсы күрес саласында тараптар 2022 жылғы сәуірде қабылданған Адам құқықтары мен заңның үстемдігі саласындағы одан әрі шаралар жоспарын іске асыру шеңберінде ҚР Адам саудасына қарсы
іс-қимыл туралы заң жобасын әзірлеуде ҚР Ішкі істер министрлігіне қолдау көрсетуде.

ХКҚҰ Өңірлік директоры мен Омбудсмен Ауғанстаннан келген осал мигранттарға көмек көрсету нәтижелерін талқылады және адам құқықтары жөніндегі іс-қимылдың екінші жоспарын іске асыру шеңберінде жұмысшы мигранттардың құқықтарын қорғау жөніндегі бірлескен қызметті жалғастыруға уағдаласты.