16 ақпан 2024 жыл - Халықаралық көші-қон ұйымы (ХКҚҰ) - БҰҰ Көші-қон агенттігі Димаш Құдайбергеннің ХКҚҰ-ның Азия аймағындағы және одан тыс жерлердегі Ізгі Ниетті Елшісі болып тағайындалғанын мақтанышпен хабарлайды!

Димаш Құдайберген – Қазақтың танымал әншісі және композиторы. «Қазақстанның халық әртісі» құрметті атағы отандық мәдениет қайраткері. Дүние жүзіндегі миллиондаған адамдарға әсер ететін өнер иесінің үні адам құқықтарын қорғауға және олар туралы жалпы хабардарлықты арттыруға қабілетті. Музыка әлемі және жаңа таланттарды іздеу қоғамға пайда әкелетін сонымен қатар ұлттық шекарадан тыс мүмкіндіктер ашатын үздіксіз мәдени алмасудың үлгісі болып табылады. Музыканың ксенофобиясыз қауіпсіз қоғам құра отырып, әртүрлі ортадағы және өмірлік тәжірибедегі адамдарды біріктіретін күші бар .

«Халықаралық көші-қон ұйымының Ізгі Ниет Елшісі ретіндегі мен адам құқықтары мен мигранттардың құқықтарын қорғауды мақтан тұтамын, Әрбір адам қорғалған және мүмкіндіктерге ашық әлем үшін бірігейік» - Димаш Құдайбергенның ой - пікірі.
 
ХКҚҰ Ізгі Ниет Елшілері бағдарламасының мақсаты - қауіпсіз, тәртіпті және тұрақты көші-қонның маңыздылығына баса назар аудара отырып, миграцияға қатысты мәселелерді көрсету үшін танымал және құрметті мәдениет, өнер және спорт қайраткерлерін тарту.

Бұл бағдарлама жергілікті дағдарыстарға, мәжбүрлі қоныс аударуға, кемсітушілікке қарсы тұруға, климаттың өзгеруіне байланысты ұтқырлықты шешуге күш-жігерді жұмылдыруға, халықтың денсаулығын, мигранттар мен мобильді халықтың жалпы әл-ауқатын қорғауға және адам саудасын жою үшін тынымсыз жұмыс істеуге арналған.