Астана, 2022 жылғы 2 қараша – ҚР ІІМ, сондай-ақ ҚР Адам құқықтары жөніндегі уәкіл ХКҚҰ қолдауымен Қазақстан Республикасында адам саудасына қарсы іс-қимыл туралы жекелеген заңды қабылдау мәселелері бойынша форум өткізді.

Адам саудасына және онымен байланысты қылмыстарға қарсы тұру әлемнің барлық елдері үшін басты міндеттердің бірі болып қала береді. 2021 жылы қазіргі заманғы құлдықта 50 миллион адам болды, олардың 28 миллионы мәжбүрлі еңбек жағдайында, ал 22 миллионы мәжбүрлі неке тұзағында қалды. Барлық мәжбүрлі еңбек жағдайларының жартысынан көбі (52 пайызы) және барлық мәжбүрлі некенің төрттен бір бөлігі орташа табысы жоғары немесе табысы жоғары елдерге тиесілі. Барлық құрбандардың жартысы жыныстық қанау мақсатында сатып алынады, 38 пайызы мәжбүрлі еңбекке тартылып, 6 пайызы қылмыстық әрекетке баруға мәжбүр болады және шамамен 1 пайызы қайыр сұрайды. 1 пайыздан азы адам ағзасы саудасы, мәжбүрлі неке және басқа да мақсаттарда қолданылады.

Адам саудасына қарсы іс-қимылдың барлық аспектілерін кешенді және жүйелі түрде реттейтін арнайы базалық заңнамалық актіні қабылдау құрбандарды қорғау және оңалту мәселелеріне ерекше назар аудара отырып, осы саладағы құқықтық қатынастардың барлық жақтарын реттеуге мүмкіндік береді.

Құқық үстемдігін қамтамасыз ету, қылмыстық сот төрелігі жүйесіндегі қажеттіліктер мен мүдделерді есепке алу және адам саудасы құрбандарын құқықтық қорғау, сондай-ақ сот органдарына қатысты сенім мен ынтымақтастық деңгейін арттыруда көмек көрсету және қорғауды қамтамасыз ету үшін құрбан болған адамға бағытталған тәсілді жүзеге асыру қағидатын атап өту маңызды.

ХКҚҰ ҚР Үкіметі мен ҚР ІІМ-не осы заңнаманы пысықтауға және енгізуге байланысты барлық мәселелер бойынша адалдыққа кешенді және техникалық қолдау көрсетуге барынша бейілді болып қала береді.