АДАМ САУДАСЫНА ҚАРСЫ ІС-ҚИМЫЛ ЖӘНЕ ОРТАЛЫҚ АЗИЯДАҒЫ МИГРАНТТАРҒА КӨМЕК КӨРСЕТУ

ХКҚҰ 1998 жылдан бастап Орталық Азиядағы адам саудасы мәселелерімен айналысады. ХКҚҰ осы өткір мәселені көтерген және азаматтарды сексуалдық және еңбекті қанау мақсатымен шетелге заңсыз алып шығуға Орталық Азия елдері үкіметтерінің назарын аударған алғашқы ұйым болды. Соңғы он жылда ХКҚҰ адам саудасымен күрес жөніндегі халықаралық қозғалысты қолдау мақсатында адам саудасының алдын алуға, адам саудасы құрбандарын қорғауға, адам саудасына тартушыларды және саудалаушыларды қудалауға және Орталық Азия елдері арасындағы өңірлік ынтымақтастықты дамытуға бағытталған көптеген жобаларды іске асырды. Сондай-ақ ХКҚҰ үкіметаралық және үкіметтік емес серіктестермен тығыз ынтымақтастықта.

ХКҚҰ адам саудасын орын алу жерінде тартудан басталып,  транзит орындары мен тағайындалған орындарда мәжбүрлеу және қанау процесі ретінде қарастырады. Адам саудасы жалпы алғанда кем дегенде бір халықаралық шекараны кесіп өтуді көздейтіндігіне қарамастан, өкінішке орай, ол Орталық-Азия өңіріндегі бір елдің ішінде де орын алады.

Адам саудасының әрбір кезеңінде адам саудасына қарсы тұру үшін, ХКҚҰ адам саудасын көбінде орын алушы елде болдырмауға, адам саудалаушыларды қудалауға және адам саудасы құрбандарын қорғауға бағытталған көп жақты тәсілді қолданады.